تعديل

الخميس، 26 مارس، 2015

طلعة من الأدب الحساني من إنتاج / سيدي الطيب ولد المجتبى

لا گلت أني نبغي فالحالْ      صَبَاحْ انْگولْ ألْمَا ينْگال
وامنينْ ألنَجْحَدْهَ تثقالْ        فخْلاگي زادْ ولا نرتاحْ
وآن منْ گَـدْ الحَگْ أگْبال       ماني صبارْ أتليْتْ أَرَاَحْ
أصبرْتْ أليالِ فتْ أطوالْ        ليْلَ ليلَ واصْبَاحْ اصْبَاحْ
ولا تَ عندي ذاكْ المنـْوَالْ    ماكنْ ، وأكْتيميِ ماهُ صاحْ
للعزة تَيْتْ، العمْرْ أگـْلالْ      أيامُو ، هاذَ وقتْ أرْوَاَحْ
الشَمْسْ اعْلَ طبْ التحْجَالْ   صَبَاحْ، أليِ منْ نُوُرْ اصْبَاحْ
اللهْ اعْلَ خَلْقُـو ، والبَالْ        أنـْشَگـْ ألْهَ بيهْ التـّجْرَاَحْ    

كافيني يلي مولعْ بيكْ         منْ گـلتْ تصْرَاحْ وتصْرَاحْ
العزة ما تحملْ يحظيكْ         يعمري ذاكْ امنْ التطرَاَحْ


 ـــــــــــــــ
إنتاج / سيدي الطيب ولد المجتبى

0 التعليقات:

إرسال تعليق